આજથી દેશના કોઇ પણ ખુણેથી તેમજ ઓનલાઇન FIR નોંધાવી શકાશે, જાણો નવા કાયદાથી કંઈ ૧૦ બાબતો બદલાઈ

New Crime Law Latest News : આજથી દેશભરની ન્‍યાય વ્‍યવસ્‍થામાં મોટો ફેરફાર થયો છે. બ્રિટિશ યુગથી આવતા IPC, CrPC અને ભારતીય પુરાવા અધિનિયમ હવે બદલાઈ ગયા છે. તેમની જગ્‍યાએ હવે ભારતીય ન્‍યાયિક સંહિતા, ભારતીય નાગરિક સંરક્ષણ સંહિતા અને ભારતીય પુરાવા અધિનિયમ છે. એટલું જ નહીં, ભારતીય ન્‍યાય સંહિતા હેઠળ દેશનો પહેલો કેસ દિલ્‍હીમાં સ્‍ટ્રીટ વેન્‍ડર સામે નોંધવામાં આવ્‍યો છે. કાયદાના આ કોડ્સ ભારતીય નાગરિક સંરક્ષણ સંહિતા (BNSS), ભારતીય ન્યાયિક સંહિતા (BNS) અને ભારતીય સાક્ષ્ય અધિનિયમ (BSA) છે. નવા કાયદામાં કેટલીક કલમો હટાવીને કેટલીક નવી કલમો ઉમેરવામાં આવી છે. કાયદામાં નવી કલમોનો સમાવેશ થયા બાદ પોલીસ, વકીલો અને કોર્ટની સાથે સામાન્ય લોકોની કામગીરીમાં પણ ઘણો બદલાવ આવશે. વિરોધ પક્ષોનું કહેવું છે કે સરકારે આ કાયદાઓ ઉતાવળમાં લાવ્‍યા છે અને સંસદમાં પર્યાપ્ત ચર્ચા થઈ શકી નથી. સરકાર કહે છે કે હવે લોકોને સજાને બદલે ન્‍યાય મળશે અને અમે ગુલામીના પ્રતીકોને ખતમ કરી દીધા છે. ચાલો જાણીએ કે ત્રણ નવા કાયદાથી શું બદલાયું...

૧. આ કાયદાઓમાં એવી જોગવાઈ છે કે ટ્રાયલ પૂર્ણ થયાના ૪૫ દિવસમાં ચુકાદો આપવામાં આવે. આ સિવાય પ્રથમ સુનાવણીના ૬૦ દિવસની અંદર આરોપો ઘડવામાં આવે.

 ૨. નવા કાયદા અનુસાર, કોઈપણ વ્‍યક્‍તિ દેશના કોઈપણ પોલીસ સ્‍ટેશનમાં ઝીરો એફઆઈઆર નોંધાવી શકે છે. તેનાથી ઓનલાઈન ફરિયાદો દાખલ કરવામાં મદદ મળશે અને ઈલેક્‍ટ્રોનિક માધ્‍યમથી પણ સમન્‍સ મોકલી શકાશે.

૩. તમામ ગંભીર ફોજદારી કેસોમાં ગુનાના સ્‍થળની વિડિયોગ્રાફી ફરજિયાત રહેશે. પ્રક્રિયા ઝડપી બનાવવા માટે સમન્‍સ ઓનલાઈન મોકલવામાં આવશે. આ સિવાય કોર્ટમાં સમયરેખા મુજબ જ સુનાવણી હાથ ધરવામાં આવશે.

૪. જો કોઈ પણ સંજોગોમાં પીડિતાને એફઆઈઆર નોંધાવવી હોય, તો તે પોલીસ સ્‍ટેશન ગયા વિના પણ કરી શકે છે. આ સાથે તરત જ કેસ નોંધાશે અને પોલીસને પણ સમયસર કાર્યવાહી કરવાનો સમય મળશે.

 ૫. ફરિયાદીને પણ તરત જ FIR ની કોપી મળશે.

 ૬. નવા કાયદા હેઠળ, મહિલાઓ અને બાળકો વિરુદ્ધ ગુનાનો ભોગ બનેલા લોકોને હોસ્‍પિટલોમાં મફત સારવાર મળશે.

 ૭. આ નિયમો સાક્ષીઓની સુરક્ષા પર પણ ધ્‍યાન કેન્‍દ્રિત કરે છે. તમામ રાજ્‍ય સરકારો ડ્રેનેજ સંરક્ષણ યોજના પર કામ કરશે. આનાથી લોકોનો ન્‍યાયિક -ક્રિયામાં વિશ્વાસ વધશે અને તેઓ મહત્ત્વના કેસોમાં પણ જુબાની આપતાં શરમાશે નહીં

. ૮. બળાત્‍કાર જેવા સંવેદનશીલ કેસમાં પીડિતાના નિવેદનનું ઓડિયો-વિડિયો રેર્કોડિંગ પોલીસ કરશે.

 ૯. નવા નિયમો અનુસાર, ૧૫ વર્ષથી ઓછી ઉંમરના બાળકો અને ૬૦ વર્ષથી વધુ ઉંમરના લોકોએ પોલીસ સ્‍ટેશન જવાની જરૂર નહીં પડે

૧૦. આ સિવાય, વિકલાંગ લોકો અને ગંભીર રીતે બીમાર લોકોએ પણ પોલીસ સ્‍ટેશનમાં હાજર થવાની જરૂર રહેશે નહીં.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - 3-new-laws-implemented-in-the-country-from-today-citizen-can-file-online-fir-from-anywhere-in-country - દેશના કોઇ પણ ખુણેથી તેમજ ઓનલાઇન FIR નોંધાવી શકાશે, જાણો નવા કાયદાથી કંઈ ૧૦ બાબતો બદલાઈ